Ronjoy Brahma Poems

सोदोबनि ओंथिफोरा गोसोम जानायनि थाखाय
सोदोबफोरखौ सियाराव दलर फज'नानै आं बुंबाय-
नोंसोर ओजों-हजों दुस्थ' दाखालाम
नङाबा नोंसोर गासानि सालायाव गोग्लैगोन मिथिखा
...

मानबायस्लिंनायनिफ्राइ थाबायस्लिंनाय अनथाव-बाथाव
खुदिया साना आंखौ नायहरदोंमोन
सिमलि बिफांआव गाखानानै,
बिनि थैजागा मोखांआ बोलांदोंमोन जायख्लंफारसे आंनि मोखां
...

आं सिमांआव मोनसे मुलुग
खामनाय नुबाय,
मथरनि सिङाव बिगोमा
बिगोमानि सैमा आरो मुवा-बेसादफोर
...

जोमैफोरा जलदा गथ'फोरबादि
ओजों-हजों खारद्लायो,
जोमैनि सेरजोंनो फालोसे दाउब'फोरखौ
आमटेका फारसे बिरलांनाय आं नुहरो।
...

जोंनि सिद्लायाव गेलेफैनाय
अखा हादैनि गांगाथफाया
जेब्ला स्रोद स्रोद खारखोलांफिनो
बिसोरजों लोगोसेनो जानो हागौ खारफालांदोंमोन
...

बिमाजों रायजानानै मोखांखौ गानदुआव
एखोमा एखोमा गाबनाय सिख्लाया
अखाफोरखौ गोलेरनो बोलि होयो,
खोमसिया गावनिनो मोखांआव हाब्रुजों लिरफबो।
...

दा मिथिंगा नोंनि अख्रांसे बिखायाव
हालदिंगानि थिखिनि खुसेंग्राफोरा मानखोयो,
आफानि दुब्लि आलांगायै गोबाथाबनाय दैयाव
गांजेमाया बिलाइ गैयै अंखा बिफांआव गाखोना बिदै दैयो आरो गयो।
...

नोंसोर बबेनिफ्राइ फैदों आरो बबेहाय थांगोन
आं बुंनो हाया अब्लाबो,
आं नायहरबाय थादों
बैसोमुथिनि खर'आव दिदोम गसंनानै।
...

सहर नोगोरनि बारफोरा
माबादि बारदों जाखो!
गाड़ी मथरफोरा माबादि खारदों बेबा
सौग्राव-सौसिथ' जायाखै इन्जिन दुंखावनानै!
...

बिसोननि रोदायाव अरथाबनाय हाब्रुआ
आथिंनि आफायाव खुज्राव जायोब्ला
खुसिजोंनो फिउ फिउ बारलाङो,
एमबुफोरबादि थब्लयो दुब्लि ओलांनाय दैयाव।
...