बिसोननि रोदायाव अरथाबनाय हाब्रुआ
आथिंनि आफायाव खुज्राव जायोब्ला
खुसिजोंनो फिउ फिउ बारलाङो,
एमबुफोरबादि थब्लयो दुब्लि ओलांनाय दैयाव।
सानदुंबाबो अखाबाबो
जों दा हाब्रुजों गेलेयो आय-आफा
आं आरो आदै-मादैमोन गोबां;
हाब्रुखौ मोजां मोनोखायनो दैज्लांआ बयनिबो मोखांखौ सोमथाबहोयो।
थाइलिर बिथराइफोरबादि हांखुर जायो
जोंनि गोसोआ हाब्रुजों गेलेनो,
हाब्रुंजोंनोथ' जोंहा थैस'-थांस' सोमोनदो दं;
हाबाब बोथोर! सनानि दाउदैसो जेन।
आथिंनि होरलां सोमावो एमबु थेरे
गांजेमा सिंखावरिखौ बुंथलिया आं,
गिबि मन्थ्रियासो जेन जोमैयाव गाखोना नायफैदों
दफानो साया-सायख्लुम दफानो सानदुं
जोमै बोद्ला बोद्ला हुरा हुरा साना नायहरो
सोरबासो जेन थाखोमाना सावगारि दिखांदों
गंगार हाजोखौ बुंथलिया आं;
हाबाब बोथोर!
जों नोंखौ बिखाजों नङा गोसोजों गले गले खुलुमो।
This poem has not been translated into any other language yet.
I would like to translate this poem