थैनायानो साबसिनसै सानफ्रांलायनाय गरम Poem by Ronjoy Brahma

सहर नोगोरनि बारफोरा
माबादि बारदों जाखो!
गाड़ी मथरफोरा माबादि खारदों बेबा
सौग्राव-सौसिथ' जायाखै इन्जिन दुंखावनानै!

बे बाराव फेरिवालाफोरा हले खामायबाय
सिफुं पेसेनजार
मानासो रिन' पेसेनजार आरो इन्टारचिटी
प्रेसनि दै गुसु फानै फानै।

गैलालै लोगो!
आंनि दुब्लिनि गांजेमा एमबु थेरे
खानस्रि लावजोबबाय
बालाबोथिया ससमा गासैबो

बानाखि बाना दैज्लांनि बाना
आंनि मोदोम गंसेआवबो बानदो बायदोंसो जेन
दंग बिलो गाथोन बारसोमबाबो
सुग्लायनायखौनो मोनाखिसै आं!

मानसिफोरा बुंसोलायो
लिबु बिदै लोङोबालायनो सानदुं नांनाया स्रां खारो
स्रां खारोखोमा
दा गो लोंनोसै आंबो लथासे

सानदुं नांनाया खारबा हामथारगौ!

लायो