थासारि आरो माखासे सानस्रि Poem by Ronjoy Brahma

जोंनि सिद्लायाव गेलेफैनाय
अखा हादैनि गांगाथफाया
जेब्ला स्रोद स्रोद खारखोलांफिनो
बिसोरजों लोगोसेनो जानो हागौ खारफालांदोंमोन

आंनि सानस्रि।

खुदियाफोरा सिलटआव मैदेर आखिनानै
फोरोंगिरिनो दिन्थिब्ला
फोरोंगिरिया अननानै बिसोरनो नंबर होयो,
बाह! बे समाव खुदियाफोरा बेसेदि खुसि जायो

गावनि सोरजिखौ लानानै।

हालुवा आबादारिया गोबां हालेवनो हायोब्ला
अनजिमागैयै खुसि जायो,

आखाय थिफु जायोब्ला गाबो,
बे समाव अब्ला बियो आबादारि जानो एसेबो गोसो जाया;
आखाय थिफुनायादि आलौवो- - सायो!

दैज्लां, दा नों आंनि मेगनाव गोग्लैबाय
आं नोंखौ मानो मोजां मोना जानो?
नोंनि थाखायनो बिखानि समफोरा आंखौ दैदेनो
समनि मादाव सिमांबाबो मोखथांबाबो नों आंनि असेथार।