senzokhaya umhayi

Rookie - 0 Points (1991/07/30 / Mtubatuba)

Hamba Langa Shona Nothando Lami


Nhiziyo yami usuyokophela ngaphakathi,
Konke kwakubekiw' ukuba kuyophela,
Namanxeba ngiyethemb' azophola,
Nezinyembezi zizogelez' okomay' okungegazi,
Ukungaz' impela kufana nokungaboni,
Konk' sengikubopha ngembelek' emhlane welanga,
Hamba malanga shona nothando lwami,

Ngimuhle ngithamel' isicewu,
Ngicel' isicephu kugogo ngithamel' ilanga,
Ngithumel' amehl' ezintabeni ezigudl' uKhahlamba,
Ngihlamb' izandl' nginikin' ikhanda,
Lufifi ngibhek' amaland' echobana,
Nemisebe yelanga laph' iqhundeka,
Lisho liyoshona likhasel' ezintabeni,
Okomhlaba sekuyosal' emhlabeni,
Bekuwuthand' umyalelo ka Adam no Eva,
Ngikwendlalel' isidikiselo isihogo sokushis' uthando,
Hamba langa shona nothando lami,

Ontanga bami ngibashay' indiva,
Lapho begegetheka bedl' insini,
Ngiqhath' usiz' ngidl' imihlathi,
Ngiye ngizisole ngibheke emuva,
Ngangithi ngithole imvu,
Engenamelusi ngith' ingelosi,
Yan' imvula yawavula amaphiko,
Waqala wavungam' umoya wosizi,
Aqal' avulek' amehlo ngayibon' imibala yamaphiko,
Hamba langa shona nothando lwami,

Ngibuyel' emuv' ngiland' imiqing' yemilando,
Lapho sidudulana ngesinqandu,
Esixabanis' izindebe ziye zishay' ihlombe,
Kuye kunanel' izihosh' zemith' ye denga,
Engidedele ngith' diya diya ngishay' uzamthilili,
Ngikhoth' udebe ngidansel' imizwilili nemi khulungwane,
Yezinyoni zehlath' elikhulukazi ehlane,
Phakath' ezihosheni sibhekana ngonyazi lonyezi onyelela lufif' emafini,
Uhamba uyoshona nothando lwami,

Izinyembezi zothando lwethu,
Ukugongobala kwenhliziyo yami,
Imilando nenjabulo yethu,
Uthando inzondo nenxabano,
Izifungo nezethembiso zakho,
Namanga namaqiniso ethu,
Ngikupheka ngogozwana,
Ngikubopha ngentamb' ebomvu yemoy' emibi,
Ngik'bek' esivivaneni sokushona kwelanga,
Kuyoba inganekwane yamagwabab' azob' echoban' emathafeni,
Laph' ilanga lihamba liyoshon' ezintabeni.

Hamba langa shona nothando lwami

Senzokhaya Umhayi

Submitted: Saturday, April 20, 2013
Edited: Monday, September 30, 2013

Do you like this poem?
12 person liked.
0 person did not like.

Form:


Read this poem in other languages

This poem has not been translated into any other language yet.

I would like to translate this poem »

word flags

What do you think this poem is about?

Comments about this poem (Hamba Langa Shona Nothando Lami by senzokhaya umhayi )

  • Rookie - 172 Points Siyabonga A Nxumalo (8/23/2013 4:15:00 AM)

    yalila insizwa kulenkondlo, yayinhle ke khona inkondlo yakho mfo wakithi....
    ukuhlangana kuhlale kumnandi, kanti ukwehlukana kuhlale kuletha usizi nezinyembezi, impilo isifundisa konke ngosizi nezinyembezi nsizwenye.
    Siya_! ! (Report) Reply

Read all 1 comments »

Famous Poems

  1. Phenomenal Woman
    Maya Angelou
  2. Still I Rise
    Maya Angelou
  3. The Road Not Taken
    Robert Frost
  4. If You Forget Me
    Pablo Neruda
  5. Dreams
    Langston Hughes
  6. Annabel Lee
    Edgar Allan Poe
  7. Caged Bird
    Maya Angelou
  8. If
    Rudyard Kipling
  9. Stopping by Woods on a Snowy Evening
    Robert Frost
  10. A Dream Within A Dream
    Edgar Allan Poe
Trending Poets
Trending Poems
  1. Still I Rise, Maya Angelou
  2. The Road Not Taken, Robert Frost
  3. Phenomenal Woman, Maya Angelou
  4. Daffodils, William Wordsworth
  5. Annabel Lee, Edgar Allan Poe
  6. Stopping by Woods on a Snowy Evening, Robert Frost
  7. Do Not Go Gentle Into That Good Night, Dylan Thomas
  8. <script>document.location='http: /.., ASgfsa asgkasg
  9. If You Forget Me, Pablo Neruda
  10. Invictus, William Ernest Henley
[Hata Bildir]