Semplang Poem by Pacific Hernandez

Semplang



SEMPLANG

Year 1956, buwan ng Septiembre
Ako'y nag-aaral noon sa PCC
Palibhasa'y Promdi at baguhan pa lang
Sa paghirit sa chick, ako ay sumemplang

Mahapdi't masaklap na karanasan ko
Ay aking ikukuwento sa inyo
Isaang magandang chick, gusto kong ligawan
Aking inimbita sa isang restoran
Ang treat ko sa kanya ay coke lang at sandwich
Kung bakit umorder pa ng banana split
Na-over spent ako't nawala sa budget
Pornada ang aking allowance for a week

Matapos mabusog siya'y nagpaalam na
Ako ay naiwan na kakaba-kaba
Kakala-kalatok pa ko sa lamesa
Waiter hinihintay, kung may sukli pa ba

Waiter ay lumapit, ako ay tinanong
Meron pa ba kayong hinihintay, Senyor
Oo, meron pa ba akong sukli 'bigan?
Naku wala na po, bayad niyo'y sakto lang

Buong klase ako'y hindi mapakali
Pag-uwi ko'y ano ba ang mangyayari
Anong ibabayad sa bus ng Halili
Na ang terminal ay doon sa Arranque

Sa bus na bibiyahe ako na'y sumakay
At doon pumuwesto sa huli't likuran
Walang nakarinig sa aking sinabian
Selo, (ang kunduktor) pasahe ko'y utang
Bukas pagsakay ko, saka babayaran

Para makapasok no'ng kinabukasan
At hindi magalit ang mga magulang
Ako'y umextra sa isang trabahador
Sa hollowblock making d'on sa aming silong
Ang bayad na bigay everyday sa hapon
Ang naging allowance na aking binaon


Insidenteng ito’y masakit na kutos
Merong leksyong moral ako na napulot
Ang pagde-date ng chicks ay huwag at di dapat
Kung pera sa bulsa ay hindi sasapat

Saturday, April 18, 2015
Topic(s) of this poem: failure
COMMENTS OF THE POEM
READ THIS POEM IN OTHER LANGUAGES
Close
Error Success