गोरबो इसिँनिफ्राइ -96 Poem by Ronjoy Brahma

दिनैनि गुसु निहोर फुंआव
गैया आफा मिनिस्लुनाय जोँमानि
गोरबोआव गाबज्रियो आर'जआव
नै आफा हांख्रायो हांख्रायो नोँखौ
-
गोजांनाय सोलेराव बिलिरफै दुंब्रुदनाय
दिनैनि गुसु निहोर फुंआव
गोजांनाय सोलेराव बिलिरफै दुंब्रुदनाय
-
खुवा खुवा साग्लोबदोँ मिथिँगाखौ
थरथिँ थरथिँ निहोर गसरदोँ
बिफां बिलाइ बेन्दोँनिफ्राय
-
नुहरा आफा लामा गोजानाव
साग्लोबफबदोँ जेरैबो खुवा खुवा
नै दिनैनि गुसु निहोर फुंआव
-
दुब्लिनि गुवार बिखायाव
खुवा साग्लोबनाय अखोरांआव
नोँखौ नागिरदोँ आं आफा
नोँनि मिनिस्लु मोखां जोँमाखौ
-
जोँथि निहोर साग्लोबनाय बिफांआव
सिग्लाबनाय निहोर मोदोमाव
मोसाग्लांदोँ महरनि दाउसिनफ्रा
फिस्रिस्रांदोँ गांखं बाफबनाय निहोरखौ
दिनैनि गुसु निहोर फुंआव
-
नै गसाइ फै फै आफा
आंनि सुहाबनाय होखारफै
बिलिर बिलिर मिथिँगा बिखायाव
दिनैनि गुसु निहोर फुंआव।
-
07/12/2014
दुब्लि।गामियाव