सैथो होन्ना नोँखौ सिबियो आफा
गोसो बावना नोँखौ खुलुमो
जोँमा ब्रह्म नोँखौ आफा
गासैबोनि गिरि होन्नानै
-
जोँमा ब्रह्म नोँखौनो लोगो
गोथारगिरि गोहोनि गुदि होन्नानै
सैथो होन्ना नोँखौ सिबियो आफा
-
बयनिबो जेराव आंगो नोङो
नोँनो गासैबो मिथियो जोङो
मुलुगनि हाद्रि जानानै
बिबायारि आफा आंनि गोरबोआ
-
नोँनि सोरां जेब्लाबो नागिरो
अगियान गोसोआव गोथार नागिरो
सैथो होन्ना नोँखौ सिबियो आफा
गोसो बावना नोँखौ खुलुमो
-
फैदो आंनि फैदो आर'जआव
सिदोब मोदोमनाय आहुतिनि बाराव
फैदो नै आफा यज्ञनि गोथार मेलआव
-
फैदो फैदो नोङो सना
जेराव गोजोनो गोजोनसिनथारो
जेराव सास्रियो बयनोबो अन्नाय गियानखौ
-
फैदो फैदो दिनै नै आफा
फैदो फैदो दिनै आर'जनि हांख्रायनायाव
गोगो खालामनो गोरबोखौ
अनसाय अनसाय आफा गोथारै।
-
06/12/2014
आयनि देरा।गामियाव
This poem has not been translated into any other language yet.
I would like to translate this poem