गुसु बारा बिलिरफैबोला
गोजांस्रिउ गोरबोआ मोनखांब्ला
हास्थायो नै दिनै गुदुं नोँनिखौ
नोँनि अन्नाय आरो मददखौ
-
थनथ्रना दं गिरि आंनि गासैबो
लाथा खानाय मिजिँनि सानस्रियाबो
फै नुजाफै होन्नानै बुंबायो
गोरबोआ नोँखौ हांख्रायो
-
नै आफा आंनि गासैबोनिगिरि
फै फुं दिनै दुंब्रुद सिरि
आंनि गोरबोआव मिनिनाय
गासैबो गोथार सास्रिनाय
होफै होफै गोख्रोँ सोलेर
आंनि गासैबो दिनै दुंबुर
-
जोँमा नोँखौ खुलुमो आंनि
ओँखारबोनाय दिनै सोरां फुंनि
गुसु सुहाबनाय आंनि मोदोमाव
नेना थानाय गुदुं सोलेराव
-
गसाइ नांफैदोँ आफा नोँनि अनसायनाय
गुसु खाफालाव दुंब्रुद हमनाय
मिनिस्लुदोँ गोरबोआ आंनि अब्ला
खुलुमदोँ आं नोँखौ लोगो लोगो अब्ला।
-
30/11/2014
गामियाव
This poem has not been translated into any other language yet.
I would like to translate this poem