सिनायनो रोङै नोँखौ गोरबोआ
बावगारना थानाय नोँखौ जिउआ
फंसेल' आर'जजोँ आं नोँखौ गाबज्रिदोँ
आफा आनान अबं गशाइ
नोँखौनो आङो गुसुं मुंजोँ ॐ होननानै
-
मेँग्लिनाय गोरबोआ सानफा थब्ल'बाबो
मोनाखै दान्दिजोर आं सुखुखौ
जिउनि ओँथि गैयै लोरगिजोँनो सिमाङाव हान्थियो
थब्ल' थब्ल' सानस्रिब्लाबो रुगुंखौनो मोनाखै
-
गसाइ जिउनि खैफोदआव गोरबोआ मानोबा
हां मोनस'यै मेँग्लिना थब्ल'नाय
मिथिथारा मिथिथारा आं बेखौ
नोङो आंखौ बबे लामाजोँदि
-
आंनि सौसिख' हायै लजिँनि मुदाजोँ
आंनि नुहरस'यै गिजि गब्लंजोँ हार्थखि
नै गशाइ नोँदि एमब्रा एमब्रा
गुसु सुहाबनाय बिलिरदोँ गोरबोआव
नोँदि फैदोँ अखा महरै दिनै
-
ग्लासनि खोरखिजोँ नायहरदोँ आं
जोँनाय महरै दं सोरनिबा गोजोँङै
आय' गशाइ बेखौनो खुलुमदोँ
महरसे नोँनिनो गिरि सोरां होननानै।
-
24/08/2014
लजिँ, गोजोनफुरि
This poem has not been translated into any other language yet.
I would like to translate this poem