गोरबो इसिँनिफ्राइ -63 Poem by Ronjoy Brahma

बयनिबो आन्दोआव थाखोमा थाखोमा
आर'ज गाबो आं मोदोम मावनायजोँ
सोरजिगिरि बिफा अबं नोँखौ
-
जेसेबां आर'ज गाबो आं
थाखोमा थाखोमा
खालिबोल' आं मोदै
आफा खबजबनाय
गुथाला जिउआव हाबिला
बेनिनो फिथाइ हास्थायो मोननो
-
नै जोँमा सोरां नोङो मिनिबाला
थांनाय गुथाला जाखांफैयो सायखंबादि
नाथ्रोद हाया आंदि मोदोमनि बोलोजोँ
बे भावथिनानि आफाद सालियाव
दिन्थिबाय नंखाय मायाजोँ मिनिनाय
बेजोँ गोरोबना मोननो थाखाय
घड़ीनि खाता सम मोनसे
-
नै जोँमा गाबदोँ आर'ज
नोँनि मोखांखौ नायनानै
आफा खबजबै आन्दोआव
गसाइ आं बयनिबो आन्दोआव।
-
01/05/2014
गामियाव