गोरबो इसिँनिफ्राइ -54 Poem by Ronjoy Brahma

गोरबो इसिँनिफ्राइ -54

खोमसि हरा बारलांबाय
गोदै सिमां आय' गोमोरलांबाय
उन्दुनाय आफा हरनि मुगासेया
बेयो नै गसाइ आनज्रायलांबाय
-
नुजाबाय सोरांआ सानजा अखोरांआव
थाबावाखिसै हरनि उन्दुनाय सिमांआ
अख्रांनिफ्राय सोरां
बुहुम मिथिँगायाव
आंनि फारसे लुफावहरबाय
-
आय' सोरां समायना
हाद्रिनि बुहुमा मिथिँगायाव
रिँखाङाखिसै आंनि गोदै आर'ज मेथाइ
-
समा बारग'लांबाय
दिनैनि फुंबिलिया
गोबाय आंनि गिजि देरायाव
दुखुआव आं होज्रिख्रावबाय आफा
नोँनि गेबेँ खोमायाव
खाब्रां राव
गसंथिबाय आं दरखंआव
लोरबां देहायै
-
गोरबोआव मेगन मोदै
समा थांबाय
गोरबोनि गोगो निजोरा
गोजोमबाय
हां मोनस'यै दान्दिसे
गसाइ आंनि मेगन मोदै समा थांबाय
-
गोरबोनि गासै गोजोनमानि
बिरबाय हाद्रिनि बुहुमावलाय
थाबावाखिसै गेबेँ आर'जआ
आफा बारनबोबाय फुंबिलिया
सिरियै आन्दोयै फैसालियाव
-
नोँनि मेगन मानि
आंनि मोखांआव
गनायबाय आं नोँखौ
अनसुला नोङो
नोँनि आथिँ आफा
गुगुरुब्बाय आफा आंलाय।
-
23/04/2014
गामियाव

Friday, July 25, 2014
Topic(s) of this poem: morning,poem
COMMENTS OF THE POEM
READ THIS POEM IN OTHER LANGUAGES
Ronjoy Brahma

Ronjoy Brahma

Amteka (Chirang) /Assam, India
Close
Error Success