गोरबो इसिँनिफ्राइ -53 Poem by Ronjoy Brahma

खोमसियाव सोरनि गोदै देँखो
जाखांफैखो आफा सोरनि रैसुमै
रंजामेथाइ गोदान बिफां दालाइयाव
उन्दै दाउनि रंजानाय
-
सोमखोर उदां अख्रांआव
जोँब्लावनाय हाथरखिनि निहोर गसाइ
निहोर सिनाय गोरबोआ
गाबखांदोँ आफा आंनि आर'ज
खोमसिनि आन्दो आन्दो
-
गोरबोनि आखाय खबजबनाय आर'ज
गोरोबनो जुनै गोजोनै
रिँखांबाय आफा आंनि
खुगायाव आर'ज मेथाइ
लोमसावनाय बाना निजोरा
गोरबो अखोरां आंनि मोदै
लोगो आबुं दंमानि गोगो निजोरा
-
दिनै खोमसियाव फैबाय
गोरबोनि खुगायाव आर'जआ
नाजावदो बिफा नोँ
गोजोननायजोँ
अननाय नोजोर सास्रिनाय
बोरजोँ लोगोसे
-
खोनासंदो मेथाइ आंनि
दरजा खेँनाय खोमा
गेबेँ नोँनि
आय' आफा अनदो
खोमसियाव गोजोना
गोरबो आंनि।
-
22/04/2014
गामियाव