गोरबो इसिँनिफ्राइ -52 Poem by Ronjoy Brahma

लोगो हास्थायनाया आंनि बे उजिगासे जिउनि गोरबोआव
गसाइ नोँनि गोथार आगदा आखायजोँ
दैजाथोँ अननायजोँ खाफालाव
-
नोँनि अननाय मेगन रोदायाव
रिफिनाय गोरबोजोँ
गोरबो सिँखावनानै दाफुंथोँ मिजिँ मोनसे
-
लोगो मुलुग मिथिँगाया
फैथोँ गुस्लायना
मोदानफबनानै
जोबोद समायना-रमायना
हायना सारफावनानै
-
गसाइ गोरबोआव आंनि समायसारथोँ
आबुं रंजानायजोँ
नोँनि
सोगोमनाय अखा मोफ्लामनाय
लोगो दाफैथोँ आंनि गोरबोआव
नोँनि मोसेबना सिलिँखारै
-
नोँनि सास्रिनाय बोर
अखा दामब्राजोँ
रंजाखांथोँ आंनि जिउ
गोरबोआ
गिरि थाजिम सोरां बादि
खेबसे आंनि हाबायाव
-
लोगो आंनि रंजानायाव
फै नोङो गोदै मेथाइ
खननानै मोकथांआव
नोँनि अननाय जिउआव बेरखांथोँ आंनि
लोगो गासिबो गोथार
मिजिँआव
-
नोङो गुन्द्रा खालामना दाफुं
गसाइ नोँदि गोगो गथा
गसाइ हास्थायनाय नोँनो आंनो जिउआव।
-
19/04/2014
गामियाव