गोरबो इसिँनिफ्राइ- 150 Poem by Ronjoy Brahma

लोगो नोङो आंखौ फोरोँदो
आंनि जिउखौ दैदेननो
दंनाय नुनायमानि गासैखौबो
आंनि सेराव मोजांखौ सिनायनो
-
जैरैबा आं मोजां सानो
जैरैबा आं मोजाङै रायज्लायो
जैरैबा आं मोजाङै मावफुङो
लोगो नोङो आंखौ फोरोँदो
-
मुलुगनि समायनाखौ नायनो
मिथिँगानि गासैखौबो अननो
आंनि गासैबो हाबायाव रंजानायखौ
जैरैबा आङो मुलुगनो होनो हायो
-
लोगो नोङो आंखौ फोरोँदो
जैरैबा आं गासैखौबो नुयो
जैरैबा आं गोथौङै मोन्दाङो
जैरैबा आं सैथोयै फोरमायो
-
लोगो नोङो आंखौ फोरोँदो
आंदि अख्रा थगायसुला
खोमसिखौ होखारनानै सोरां होदो
जाम्बाखौ होखारनानै गियानखौ होदो
-
बयखौबो सिनायनानै जेब्लाबो
जैरैबा आं थांनानै थायो
दंनायमानि मोजां मोन्नानै मोजांखौ
जैरैबा आं गोजोनै थायो
-
लोगो नोङो आंखौ फोरोँदो
जैरैबा सोरांआनो जाथोँ जिउ
जैरैबा सोलेरानो जायो दैमा
जैरैबा गोसोआ जायो दैसा।
-
20/11/2015
गामियाव