गोरबो इसिँनिफ्राइ -122 Poem by Ronjoy Brahma

आंनि मोखांआव मोसा मोसा
फैबाय गसाइ नोङो खुसि खुसि
आंनि गोरबोआव बिलिर बिलिर
फैबाय गसाइ नोङो खोलो खोलो
-
अखा जानानै बार जानानै
फैबाय फैबाय नोङो आंनि सेराव
आङो मोसाफायो नै गिरि
आङो साबायखर होयो नै लोगो
-
नै आंनि मिथिगिरि गोरबोनि
आंनि होगिरि नोङो रंजानायनि
रंजाबाय मोसाबाय खुसि खुसि
-
बाराव अखायाव दैयाव आंदि
नै अबं आंनो होबाय नोङो मिनि
नै अबं खुलुमो नोँखौ दिनै आंनि
नोँनि मिनिसुलु नायहरनायखौ
नोँनि सोरां सोलेरखौ
-
सोमखोर सोमखोर दुब्लियाव
बायदि गोथां बिलाइ मिथिँगायाव
नै अबं नोँखौनो खुलुमहरो
नोँखौनो गोरबो गनायो
-
आंनि मोखांआव मोसा मोसा
फैबाय गसाइ नोङो खुसि खुसि
आंनि गोरबोआव बिलिर बिलिर
फैबाय गसाइ नोङो खोलो खोलो।
-
28/06/2015
आयनि देरा।गामियाव