बेँगिरि रैखागिरि मददगिरि
नोँनो आफा आंनि नखरनि
सोरां गियानाव दैबायगिरि सोसनगिरि
-
नोँनि अनसुलिया आंनि सेराव
आंखौ खांग्रा फेदेरग्राया
नोँनि फिसाआं नोँनि खाथियाव
-
अनजाथाव माहि नोँनि
सिबियारि अराय नोँनि दर्खँआव
फोरोङो सोदोब नोँनो गियान
-
नोँनि फिसाया लोहाबो गियानाव
आसा मोनगोन नोँनि बोर
सोलोँनाय बिनि नंगौ गोजोन सामलायनाय
देँखो गुबै गोदै रिँनाय
-
दैबाय मोजां आरो सामलाय गोथार
उन्दै नोँनि फिसाखौ
नोँनि नखौ जोथोनै लाखि
-
मोदै फसरनाय दुखुआव
रंजानाय देँखो मिथिँगायाव
बियो गासैबो आंनि जिउआव
-
मोनसे न' बिनि जिउ मोनसे बुब्लि
बेसेबा गिदिर रानखावनाय
होबथानाय बाना दोहौ गुथाल
जोथोनै आफा बिदिन्थानि दाहारखौ
-
सैथोयै दाफुं मोनफ्रोम जिउ
अब्लासिम आं जानायसिम खाजा
आंनि लोगो बिफा
गासैबो मुलुग बिमा मिथिँगा
जिउ-जिबि अख्रांखौ अराय।
-
07/05/2015
गामि।आयनि देरायाव
This poem has not been translated into any other language yet.
I would like to translate this poem