गोरबो इसिँनिफ्राइ -113 Poem by Ronjoy Brahma

गोरबो इसिँनिफ्राइ -113

नुबाय नुबाय अखोरां सायाव
रैरुब समायना सोरां फुंआव
सोमखोर समायना बैसागु लांगोनायाव
होबाय बेखौनो सोरां नोङो गोजोनआव
-
गोसो रंजालि मिथिँगायाव
बरायो नै नोँनि मोसाग्राखौ
हे आफा दिनै बिनिनो आं खुसियाव
-
गोदै रैसुमै देँखो हगारबाय
गोदान गोजोननाय बे बैसागुआव
नुबाय गसाइ मेगनाव समायनाय
-
मिजिँ बुंफबनाय गोरबो बिखायाव
नै गिरि नोङो रंजाफै आंजोँ लोगोआव
जोबोद खुसियाव नोँदि आंनि अराय
नै गिरि ओँथि दं बेनि मिनिनाय
-
थमेननाय आंनि गोथार गोरबोआव
जोँखोल रिफियो मोखां मिनिसुलु
नै गसाइ खोलो खोलो बारआ मोसायो
नुबाय आंनो मोसानाय बिफांखौ
हाबाब आफा नोँखौ खुलुमो
-
दुंहाव सोलेरनि नंखाय बाज्ल'नायखौ
बेवनो गिरि आर'जआ रिङो
बिलिर गसाइ आंनि सोलेराव।
-
15/04/2015
आयनि देरा।गामियाव

Saturday, April 25, 2015
Topic(s) of this poem: nature
COMMENTS OF THE POEM
READ THIS POEM IN OTHER LANGUAGES
Ronjoy Brahma

Ronjoy Brahma

Amteka (Chirang) /Assam, India
Close
Error Success