गोरबो इसिँनिफ्राइ -05 Poem by Ronjoy Brahma

दावबायारि आं नै लोगो
हार्सिँङै ओँखारबोबाय दिनै
सुहाबनाय फुंआव सोरांनाय लोगो
गोसो खुसि आगान होनानै
-
गुसु लामायाव गैया आय' रावबो
कम्बल जोमग्लुबनाय थादोँ नआव
गोजांना दं दिनै गासैबो
सोरबा आखाय हांदोँ हन्थायाव
-
आय' लोगो अननाय दैमानि
जाखांदोँ आंनि दोहौआ
थुलुंगा दुंबुर बार बारनायनि
बोलो फैदोँ मिजिँ फारसे गोसोआ
-
अबं गोरबोआव नोँनि
सोरजिमाया
दिनै रनसायगारबाय
बायदि मैया
बेजों लोगोसे आफा नोँनि
अननाय गोरोबना
होखारबाय गुसु आंनि
-
दिनै फोजाखांबाय आंनि गासै गोरबोआव
गावखौ हमदांना बुजिबाय आं
हमदांबाय नोँनिनो गुमुरखौ आं
बेसेबा गोरबो गोथौआव
-
दिनै दावबायारि आं नै लोगो
ओँखारबोबाय दिनैनि सोरांजोँ
होदो आगानखौ फोलावनायजोँ
बेसेबा गोथोँ मिजिँ गोगो
29/10/2011