अखाफोर हाबफैग्रा न' सिंनिफ्राइ Poem by Ronjoy Brahma

बार आरो अन्थाइनि अखाया बिखौ जोबनानै दोनदों
बिनि अखाफोर हाबफैग्रा ननि सिङाव
बे बारआव बायगोन ना थावरिगोन
फोथायनो हाया बिनि औवा जेंलाबनि गंसे सखि
नाथाय बेनि सिङावनो एब्रेना बारहोहरनो नाजादों बियो
लांसुनिया बे बोथोरखौ

बोथोरा मालाय थुंगेगौ?
लावलांबाय थादों- लावलांबायसो थादों बेबादिनो

गोबाय ननि सिङावनो थानानै
बिरलांबाय थादों बियो अखाफोर- ग्रह-नक्षत्र
दावबायदों माण्ड एभारेस्ट- माण्ड भिनसन
आरो किलिमानजार'
जमुना सेरनि ताजमहल हजों डि ग्रेट वाल
बुफायनो हायाखै बिनि गोसो गांखंखौ
जेरै गोसो ओरैनो बिरलांबाय थादों बियो

बोहैलांबाय थायो बिनि फ्रशान्तसे लुबैनाय
अख्रांमा गोनोखोआ अखाफोराव हलायहरनाय
सेटेलाइट अरबिटफोरबादि

नाथाय ओजों उदैनि उखैनायखौ होखारनो हायाखै बियो
ननि गोबाय सखि सिङावनो
उखैनायखौ उदैयावनो दलर बामना लानानै
नेनानै थानांदों बार अन्थाइनि अखा नागारनायखौ
मिजिंखौथ' खालामदों
गोदान सम- गोदान बोथोर फैगोन

लांसुनिया बे बोथोरनि जागोन थुंगेनाय