सोरांनि महर दं सोरां गैया (दिनैनि उदांस्रि समावबो आंनि मोनसे दुखु) Poem by Ronjoy Brahma

आं गोसो खाङो
जावलिया बिरगोस्रिनि थुंग्रिसिबनाय।
बिरस्रोन सोमदोन जोहोलावनि थुंग्रिसिबनाय।
आरोबाव आंहा गोसोआव फैयो
गुरुदेब बिष्णु राभानि सोमावसारनाय
जादब चतिसमोननि-
रोजा रोजा बर'नि बारसोमनाय।
थुलुंगा गोनां बर' आइजोनि
मेँनाय गैयै जेन्थोर फिदिँनाया,
गोसो गुदुं बर' सिख्लानि
आगर गुबै इन्दी खुन्दुं लुनाया,
बेसेबांदि थुलुंगा होदोँमोन
गान्घीनि सोमावसारनायखौ।
आदै नेहुरु टिलक बाहादुर
नेताजी प्रसाद पाटेल
गोसो गुदुं दैदेनगिरिनि आगानखौ।
आं गोसो खाङो
बर'नि लोब लोब हानजाखौ
जायफोर कनकल'तानि सेरावनो
लान्ट्रियै जिउ गारदोँमोन।
नाथाय आं गाबो दिनै
मानो जिउ गारामोन
जावलिया बिरगोस्रिया?
बिरस्रोन सोमदोनमोनहा?
उदांस्रिनि लामाखौ जोँनो- खिन्थादोँ
सोमावसारनायखौ जोँनो- जुरिदोँ
जायफोर उनाव आगानल'सो होदोँमोन।
बेसेबा बोसोरनि सिगां
जावलिया बिरगोस्रि सोमदोनमोना
सोमावसारनायखौ जुरिदोँमोन।
थेवबो थेवबो दिनै मानो?
मानो सोरां गैया जोँनि गामियाव?
मानो जोमैखोबफबनायबादि?
मानो सोरांखौ फांथेदोँ?
नोँ-आं-जोँ बयबो मिथिगौ
सोरांनि महर दं सोरां गैया।