आमटेकाआ सिमां नुयो Poem by Ronjoy Brahma

दाबो मैदेर फैयो थालिर जानो
सिबाय खिबुआव खि लानानै खारलांफिननाङो,
थारुन नागिर नागिर हाग्रानि अमाफोरा फैयो
नाथाय खाफाल मोन्दा बिथांमोनहा!

मै, सेसा, जाहामालाय आरो मोख्रा जाथि
बारनलांनायनि राहा गैया
बायगर मानसिनि बायगर मेगननि नोजोराव

दा बेफोर मेथाइनि बालाबबादि गोजावलांबाय
ओजों खना ओजों खना
उखुनदै सिखोमानाय
देनड्राइथ फबखोमानाय बेबो थांबाय

आथाल आथाल
खोन्दो खोन्दो बेसेबांदि थांखो आमटेकानि बैसो
बायला-जिला लामा आरो फरायसालि
जामबा-जामथा गल'-गथ' बर' गथ'फोर दं बेवहाय

थेवबो थेवबो दा आमटेकाआ सिमां नुयो
राजा लामाआव आथिं फोलावनो
आरो गेरेमसा बिफांनि सेराव जिरायनो लुबैथारो

बेबादिनो आमटेका दैसाआ बोहैबाय थायो आबुं मिजिंजों