महाभारत, रामायण खन्थाइमाया बुङो
बुरलुंबुथुरनि सेर सेर
असुरफोरा रायजो जादोँ।
बर'नि जारिमिना बुङो
मंग'लियान फोलेरनि गिदिर दालाइ बर'फोरा
बिसोरनो आसामनि थागिबि सुबुं।
हा फिसा हौवा, हुदुआ
दाबो गाबो,
सैमा-मावजिया दाबो सोङो
थैनि बाना दाबो बोहैयो।
हादान दाबो हादान बर'फोरनि
फुवारदोँ बिथा नाथाय-
बाङाइसो खर'नि मेलेम गियाना
अनजिमा खबायलांदोँ लासै लासै।
सान्दुं गोसायाव रान्दोँ
जेरै बालाबोथिया बाबोराबदोँ,
जोँ हाजो खर'नि सिफाय
हादान एवस्रांनायानो जोँनि मावनां? ?
जोँ बहा बुंनो?
जोँदि गोहो गोरा दावहारु
कत्रिय' फोलेर बंसनि-
आखा फाखा देरहासाद।
नुवाखै नोँसोर हाजोनि सिफाय?
सोर खुन्थिया गायदोँ-
जोँनि उन उन सान ओँखारदोँ
जोँथ' गिनासो खारदोँ।
This poem has not been translated into any other language yet.
I would like to translate this poem