आंहा दाबिनांगौ दं Poem by Ronjoy Brahma

मोन्थाइबादियै
बे रायजोआव- आंहा दाबिनांगौ दं
हारि माहारिखौ लानानै
समान समान सारियाव गसंनो
खोमसियाव थानांनाय जोबथेसालिनिफ्राइ
आंखौ उदां खालाम
मोन्थाइ दं आंहाबो
संबिजिरनि गोथार बिखायाव गोबानो
बे बुहुमनि दैमा-दैसा
गासै बिफां-लाइफां मिथिँगा
हराव नुनाय जोँथि-माथि ग्रह-नक्षत्र
बिसोरजोँ आंहा सोमोन्दो दं
बयबो आंनिनो आंगोथार
थांस'-फैस' अरायनि थाखाय
बे मोन्थाइखौ आंनो हो
आं हाया, बेखौबो आं सोलोँगोन
बेबादि मोन्थाइखौ आंनो गथाय