बै समा उन्दैनि Poem by Ronjoy Brahma

बेसेबा बोयो गोसोखौ हिमालया
थांगौ थांगौ जायो गोसोआ
गेलेयो- रंजायो मावरिया हाजोआव
गोबायो गोजोन बिनि बिखायाव।
फुवा-फुवा ओँखारबोनाय निजोराया
नायहरो फारसे मेगना समायना
जोँख्लाब फैयो ख्लाब-ख्लिब
साननि दुंनाय स्रां स्रां सोरांआव
हाजो बारै, हाजो भुटान रायजो।
गोर गोर खारलांबोला खुसियाव
मेँग्लि लाया थोँनै आथिँआ लामायाव
फोरोँगिरिया बुङो- समा जाबाय
समा दा गेलेनाय नंलिया।
'आला-खाला जाम्बा जला गथ'फोर जोँलाय
आलावरि बिलावरि गाबज्रिजोँ
मेथाइ खन्नानै,
नुजाफै गोथार मोखांङै।'
आय' बेसेबा गोदै आयनि गारांआ
बावनो होया आयनि मिनिनाया
उथ्रियो उथ्रियो गेलेनानै
मोजां आयनि बोर सास्रिनायाव
जिउनि खावसे खावसे समा
फिनज्राब फिनज्राब बारलाङो साना।