आंबो खन्थाइगिरि गाजा
सिरिमोनगोन नोँ थारै...
बुंब्ला आं सानजा सानजा,
नुहरगोन नोँथांङा आंखौ
थाबायलांब्ला सिरियै फोजा फोजा।
आंनि न'ब'थिया लुजायाखै
थांलाय-फैलाय राजा लामानि सेराव,
लुजादोँ जारमान दुफबनाय
गोरान दावसा मोख्रेबनि गेजेराव।
सानो आंबो रावबो फैयै बे
दावसा मोख्रेबनि गेजेरावनो
अखोरां नायदाव नायदाव
जोमै खुवा सिँखावलांनो।
आं थाबायनो दाबो लामा गैया
लेवा बेन्दोँआबो आंखौ नागारनाय गैया,
बोरै फिनज्राब बारहरनो आंलाइ
गैया गैया, जेरावबो सुज्राइ,
आं हागौ सानबायनोल' हार्सिँ
जारमान दुफबनाय लेवानि जानानै सिँ।
अख्रांनि जोमैयाबो आंखौ रायदावफैयो
दाउसिन दाउलाफोरा अरायबो लेँफैयो,
आं नाजायो जेब्लाबो बार'ननो-
बोलो फोरा फोरा
बिसोरबो आंखौ दैज्लां मेसेँ हगारा।
This poem has not been translated into any other language yet.
I would like to translate this poem
Despite my desire to understand your poetry, I could not do it because of my inability of language. Only if I could enjoy the beauty of your poetry. Thanks and good wishes.