आं सिमां नुदोँमोन
अब्ला हरनि 11 बाजिदोँल'मोन।
हाग्रामा दालांआव फ्लिम् सुटिँ
हिर'-हिर'इना जुलथा-जुलथिँ,
जुलथाया फाइटिँ खालामनो रोङा
ओजोँ जुलथिँआ मोसानो रोङा;
रमान्टिक एकस्न फिल्म् दालां सायाव फाइटिँ।
जुलथा-जुलथिँ
सान्दुं थिँ थिँ,
मोजां मोनलायनाया बिसोरना बेसरबारि
मोसानाय गैया बिबार बारि बारि।
निउ इयार्नि फिकनिक जानायाव
(गुन्दाफ्रा गाग्लोबो)
हिर'नि खौखाब द्ला,
महरनि रानि (महरजोँ संसार साजायग्रा)
हिर'इना बासियो नोँखौ नांला।
जुलथिँआ गुबुनजोँ जाबाय लाइन
ओजोँ जुलथाया हाब्बाय बथलाव जइन,
सिबाय जुलथाया जाबाय जौ फाग्ला
उल्टायै जुलथिँआ खुसिजोँ बाग्ला।
दुखु गोनां जोबनाय फारसे जुलथिँ
हाग्रामा दालांआव फिल्म् सुटिँ।
This poem has not been translated into any other language yet.
I would like to translate this poem