बेनो नोँनि गोथार लामाया
मेगन नुबाय जोँ फिसाया
आन्दायना थानाय हानजासे माहारिया।
बेनो नोँनि सैथो जोँसारनाय दिन्थिया
ब्रह्म गियान गोथार सानस्रिया
राहा लामा गोथार बाणीया।
दिनै यज्ञनि मोदोमफ्रु बाराव
सोलायखांदोँसै सुबुंनि खोमसि गोसोआव
गुबुंले जानाय गोसोआ, गोथार गियानाव।
नोँनि गोथार गियाननि लामाजोँ
फैबाय आफा आगोमा फिसाफोरा जोँ
नोँनि लामायाव जोँसारनाय नुबाय सोरांखौ जोँ
फैबाय फैबाय गावनि रिफिनाय गियानजोँ।
गोदै रिँखाङो नोँनि सिफुंआ
गुसु गोजोनग्लाय बरायो नोँनि लामायाव बारआ।
हां मोनफ्रोम मिलौनाय
गोदै गोथाव मोदोमनाय
बेनो नोँनि गोथार दिन्थिनाय
अनसायनो आबुं गियानाव हानाय।
गोदै आर'जआ रिँखांफैयो
यज्ञनि गेवलां मेलआव सोदोबा बिरबोयो
बेँगा खोमायाव गोहोआ फैयो
रैसुमै नोँनि रादाबा साजायो।
बेनो नोँनि सैथो घोरोमआ
बयखौबो सान्नाय गावनि ब्रह्मआ।
गोब्राब खाब्रां एसेबां गियान जिउआव
खोमसि गोरबो दं अख्रा जिउआव
गलियो आफा रैसुमै आर'ज मेथाइआव।
आजावदो आफा दिनै खुलुमनाय मानिखौ
सैथो लामाजोँ होदो बयनिबो आगानखौ।
सुहाबनाय गोदै यज्ञनि आहुतियाव
होदो गियान बयनिबो गोसोआव
सारस्रिदो बोर सुबुं मानिखौ गियानाव
मिथिनो सैथो घोरोम हाबायाव।
दिनै पुर्ण आहुतिनि गिर गिर जोँमायाव
फोलावहरो फिसाफोरा आखाय, गियानाव
हरदो आफा गोथार गोजोन्नायाव
जोँमा सोरां आबुं गोसोआव।
This poem has not been translated into any other language yet.
I would like to translate this poem