नोँ खाथियाव नङाब्ला Poem by Ronjoy Brahma

नोँ जेब्लाबो आंजोँनो, गोरबोआव।
जेब्लाबो आं सानो नोँनि मुहिनि,
आं सानो गोथौ एरसोनाय मोन्दांथि,
गासैबो गोदोयो सानहाबनाय ।
आं नोँखौ नागिरो
जेब्ला गाहामसिन समा फैयो
बोथोरा बारग'लाङो
नोँङो सारफाव फैयो गोरबोआव
मोजां मोनहाबना गोदोयो ।
नोँ खाथियाव नङाब्ला
आं मोन्दाङो हाथासि जागोन?
माखासे सावगारिनि रिफिनाय
आं बेफोरखौ खोमायो फारि
नाथाय नोँनि मुहिनि गोनां....
गोख्रोँ फोथायना हास्थायो ।
आंहा रोखा नङा जेब्लाबो
लोगो हमलायनाय जाथारगोन सानसे
सेरेफुनजिनि बिलियाव,
नाथाय आं मोजां मोनहाबो
सैथो नोँनि मुहिनि ।
आं मोजां मोनगोन नोँखौ
आं हास्थायो नोँखौ
नाथाय आं खाथियाव गैया
गोरबो सिँङावसो नोँ
आं नेवसिथारनाय नङा ।