मोदै रथ' बोहैयो मेगनाव
दांना बिलिरो आखायजोँ,
मिथिस्लाबा मानि फोरमायथि
लुयो गोजोन हाबिला मिजिँनि ।
मिथि मोनस्लाबा बिरलाङो
मानोबा रंजायो देरहासाद,
जोहोलावनि मानोबा आखु
बाज्ल' बाज्ल' मिनिग्लाबो ।
जेँना गोनां बेन्दोँआव थाबथायो
मानोबा मेँहाबना गोग्लैयो,
बाब्राब बाब्राब अब्लाबो सिखारो
जिउनि दावबायनाय लामाखौ नागिरो ।
मिनिनाय आरो रंजानाय
गैया गैया जायाखै आंहा,
दं सिरियैसो हास्थायना
गोदान मिजिँनि लामा नुहरना ।
This poem has not been translated into any other language yet.
I would like to translate this poem