जोँब्लावथोँ बे अरा Poem by Ronjoy Brahma

आरोबाव गांहाब उदांस्रि
सोमावसारगोन बर'सा-
आरोबाव रानखावनाय गारांजोँ
होज्रिख्रावगोन-
जाय उदांस्रिखौ सोमावसारदोँ
बै- समनिफ्राय दिनैबो ।
गोमायाखै बै समनि होज्रिख्रावनाय दिनैबो-
नांगौ नांगौ जोँनो नांगौ
हारि आरो हादरनि सिनायथि
नांगौ जोँनो नांगौ
हारिनि रैखाथि
सिनायथि आरो
थामोन्था जौगाथाय ।
आरोबाव गारमा सिग्लाबना
होज्रिख्रावगोन बर'सा-
जाय रेगाया दिनै बड'फानि लामायाव
बे रेगाया नङा बेयो,
दासान गोमोरलांगोन।
जोँब्लावथोँ बे अरा
बे बिप्लबआ
बे सोमावसारनाया
आलादा हाजोनि थाखाय
उदांस्रिया जेब्लासिम फैया ।