मा खालामगोन मा मागोन Poem by Ronjoy Brahma

फामु मोखाङारि दाहानि सेरथेनायाव
थैफ्रामनानै
लैथोमानि गांगाथफाया स्रोब गोमोरो
बरप गलिनाय सोलेराव बाग्लायनानै
.
हिमालय आरो एभारेष्टनि
8,848 (29,029 ft) थिखिनि मानखोनो
बियो गोदो गोदो सिमां नुयो
रेल गाड़िनि लामा गेजेराव
.
अख्रां बायसिन्नायाव
जेरै सेसाया लानजाइ थिखोदोँमोन
गावनि गज' थेंफोद लानजाइ
फेख्रायदोँमोन बागदावनानै बियो
.
उदिस मोनस्लाबै जेबो जेबो
बिखौ सोरबा बाग्राय फैदोँमोन
अन्नाय गोमानाय दुंहाव बिखाजोँ
सोर बियो सोर सोर? ?