आं थैगोन: आंनि सानस्रिया थैया Poem by Ronjoy Brahma

आं थैगोन,
सोरबा सोरबामोनहाबो
गासैबो दंमानि सोलेरा
खामिहारा ज्राव नुजानाय सेवलांथारगोन
आरो
थाइगार लाइअनमोनहा?
बिसोरबो सेवलांगोन
आरो समायना बिबार फोरालाय?
बिसोरबो ज्रय सिरिब्ला
गाफ्ले जागोन ।
आंनि खानाइया सेवा
थाइगार लाइअनमोनि खोमोना सेवा
थालांथारगोन बिफांनि रोदायाव
फानफ्रे फानफ्रे- सिरियै ।
आं थैगोन,
आंनि सानस्रिया थैया
आंनि गोसोआ जेना
गोरबोनि सानस्रिया थब्ल' थब्ल'
जावरिबाय थागोन मुलुग लैथोआव
सानस्रि दाहारा सोलिबाय थागोन
बायलाय फानलाय मुलुग हाथाइयाव ।
आं थैगोन,
आंनि सानस्रिया थैया
रादाब होलांबाय थागोन सुबुंनो
खौरां बिलायगोन माहारिनो
समनि बोथोराव हान्थिनाय नायथाया
जिउ गोरबोनि दान्दिसे
सावगारिया
सोगाबगोन रंजागोन नोँखौ
मिनिगोन गेलेगोन नोँजोँ लोगोसे
आं थैगोन,
आंनि सानस्रिया थैया ।