जोँ नोँखौ गोसो खाङो Poem by Ronjoy Brahma

फै जोँखौ फोरोँफै खुसियै
दिनै फिसाफोरा आन्दायनानै
लेम साथि नागिरदोँ सोरांआव
खावलायो दिनै गथ'फोरा
फैफिन गुरुदेब खेबसे आरोबाव
-
नै गुरुदेब ब्रह्म आफा
फोरोँगुरु नोँ घोरोम आरो
सोलोँथाइ राजखान्थि रांखान्थि
जौगानाय हारिनि सोदोमस्रि सिनायथिनि
-
बाखोनायथाव आरोबाव गले गले
खौसेथि आरो जौगाथायनि
नोँनि हारिनि होनाय मोनफ्रोम दलिलफ्रा
-
फोरोँनाय खौसेथि अनसायनाय आरो
गासैबो समानथाइ
मिथिँगा घोरोम गोथार सिबिनाय
-
नै गुरुदेब ब्रह्म गुरु
नायहर जोँनि आखाय खबजबनायखौ
बावाखै नोँनि फोरोँनाय आयदाखौ
नायहर जोँनि आगानाव लामाखौ
-
नै गुरुदेब सोरांहर नोँ आफा
बर'नि थरसे गिदिरथार सोरां
जोँनाय अलंबार जानानै
-
दिनै फिसाफोरा आन्दायनानै
लेम साथि नागिरदोँ सोरांआव
सुबुंफ्रा जाबाय आरोबाव गोदोनाय
बावगारबाय बयनिबो समानथाइखौ
-
नै गुरुदेब ब्रह्म आफा
खावलायो दिनै गथ'फोरा
फैफिन गुरुदेब खेबसे आरोबाव
-
नै सिबिजाथाव गेदेमा गुरुदेब
जोँ नोँखौ गोसो खाङो
फै जोँखौ फोरोँफै खुसियै।