नाजादोँमोन नोँ बडफा
मेँनाय गैया जिरायनाय गैया
गांहाब उखैहाब
थान्दै महरै रैखा खालामनो बर' हारिखौ
नाजादोँमोन नोँ बडफा बिखानि थै होनानै
बर' हारिखौ फोथांनो!
नाथाय..
हायाखिसै जोहोलाव नोँ सिमांखौ
मोकथां महर होनो।
गारनांबाय अलखद समाव अबथिरा
गावनि आगोमा जिउ!
आस'खान्दा जालांबाय सिमां मिजिङा
गांलांबायल' बडपा नोँ जारिमिन
दिन्थिलांबाय बर'नो मोनसे लामा।
हांमा थानांबाय नोँ जोहोलाव
बर' हारिखौ सिबिनो! !
बावनाय नङा जोहोलाव
नोँनि बे गोथार गोसोजोँ
बर' फिसाखौ अनसायनाय
सिबिबाय थागोन जेब्लाबो नोँखौ
आलारि बाथि सावना
नोँनि मुंख्लुं खाम्फायाव...!
नोँनि बे मावनानै गालांनाय
जारिमिनानो दिनैनि बे मुलुगाव
जांख्रिखांहोबाय बर' हारिखौ
आलादा रायजो सोरजिनाय।