வானம் நீல நிறமாய் மாறி
மேகங்கள் திரண்டு கருக்கும் போது
மழையின் வாசத்தை நாசி உணர்கையில்
நானுன்னை நினைக்காமல் இருக்க முடியாதே!
விடியலில் பறவைகள் வெளிவரும் போது
பச்சை மண்ணின் வாசம் உணர்கையில்
புத்தம் புதுகாற்று வீசும் போது
நானுன்னை நினைக்காமல் இருக்க முடியாதே!
மாலை நேரம் ஆற்றோரம் நடக்கையில்
மாலைக் கதிரவனின் ஒளிமுகத்தில் படும்போது
இனிய தென்றல் எனைத்தொடும் போது
நானுன்னை நினைக்காமல் இருக்க முடியாதே!
மழைத்துளிகள் 'உஸ்'என்ற தாளிப்பு ஒலியுடன்
விழும்போது சன்னலின் பின்னால் நிற்கிறேன்,
உன்னுடன் இருப்பதுபோல் உணரும் போது,
நானுன்னை நினைக்காமல் இருக்க முடியாதே!
இரவு இருளில் மூழ்கி இருக்கையில்
உறக்கம் இன்றி நானும் தவிக்கிறேன்
உன்னால் வரமுடியா தெனஅறியும் போது
நானுன்னை நினைக்காமல் இருக்க முடியாதே!
நீஎன் கனவில் வரவே வேண்டும்,
வராமல் இருக்க உன்னால் முடியாது,
என்கனவில் உன்னுடன் இருக்கும் போது
நானுன்னை நினைக்காமல் இருக்க முடியாதே!
This poem has not been translated into any other language yet.
I would like to translate this poem
Beautiful translation and I enjoyed reading..Thank you for sharing Dr.VKK