Ronjoy Brahma

Gold Star - 29,854 Points (2 November 1994- / Amteka (Chirang) /Assam, India)

फुर्णिमानि लामायावबो - Poem by Ronjoy Brahma

गुसु गोजोन हराव
सोरांसि सोरांसि समाव
आं मिजिँनि लामाखौ मोनहां मोनहां
-
अमाबस्या अम्बासि एकादसि
हांगार गोसोम खोमसि हरखौ
थाबायना लासैनो गारबोबाय आं
-
खुसिजोँ बुंफबनाय दिनै हरा फुर्णिमा
मिनि खुसि बाथ्रा सावरायना
दाउसिन दाउलाफ्रा उन्दुबाय
एम्फौ-एनला गांफौफोरा
अहाया अहाया दाबो रंजाबाय
बयनिबो गेजेर गेजेर आं
जोबोद रंजानाय मोनफुंगोननि
-
बैयो मा बेलाइ?
खांग्रांनानै गोजां बोथोराव
जाया जाया सिखारदोँ फिन गोग्लैफिनदोँ
खांग्रांलाय खुग्लुबलाय
-
बियो बुहुतसो नामा?
आखाय आथिँबो दंलाय माथो
थांहां फावसायहां जायो आं
थांथारब्ला देरहानाय नाथाय गियोब्ला
फिन फैफिनोब्ला?
-
आबौनि सोलेरा दाबो मोनामो
जेरबासे हाखरनिफ्राय सियाला बुरख'नाय
आयआ नुथारदोँनो
आयखौ सिगिखांबायनो बियो
-
हाव हाव दुंखांदोँ गोसोआ
गोजांस्रिउ गोजांस्रिउ मोनसिनदोँ देहाया
हाथाइ हाराव राव बारसिन फैब्ला?
-
गुमा एम्फौनि रैसुमै आं खहाबनाय
दैला खबामाबो
मानोबा आंनि गोसोखौ दाथां दाथां बुंदोँ
आथिँआव हमथादोँ आरो हमथादोँ
-
आंनि खोमा मेगन गियानजोँ
आं सिनायदोँ-
नै बेयो गोमोथिँ
नै बेयो ससमासो
नै बेयो गुमा एम्फौफोर
-
अखाफोरनि सोरांआव गय खान्थालखौ
सुमलि गाम्बारि दंफांखौ सिनायदोँ
बैग्रि बिफांखौ सिनायाखै आं अब्लाबो
बैग्रि बिफांखौनो सानफ्लांदोँ फाख्रिफां
बेयावथ' आरो बुहुत ओँखारो
-
थांहां फैहां बेयावनो थाबाय आं
आखायाव अन्थाइ थरसे
बुहुतनि मोदोमाव नांब्लानो गुब्रुनाय हाथर
थियारि रावबो फैनो हाया
जेन' जम राजायाबो गिनांगौसो
-
आं जेराव दं बेयावनो दं
नाथाय दाबो दाउज्ला गेसेरलिया
फेरेँगा दाउसिना सिरि मोनलिया
मुस्रि नांनाय मोखांआव साना ओँखारलिया
गोजां बोथोर थोर थोर गोजांदोँ।

Topic(s) of this poem: night


Comments about फुर्णिमानि लामायावबो by Ronjoy Brahma

There is no comment submitted by members..



Read this poem in other languages

This poem has not been translated into any other language yet.

I would like to translate this poem »

word flags


Poem Submitted: Wednesday, October 28, 2015



[Report Error]