ननि मानसि नआवनो था Poem by Ronjoy Brahma

ननि मानसि नआवनो था
बेरेमाफोरबादि गोबा लायनानै
मोस्रोमफोरबादि हाबा-हुखा मावनानै

हाग्रायाव दाथां
थांनोबोला आंखौबो लांफा
आंनि लोगोफोरखौ जयैनो लांफा
ज' ज' थांगोन बयबो
देगार एथेबना लानानै जानजियाव

जाय मोसाया बारसिननो फैयो
गेव सुगोन बिखौनो

नों दैखर सिङावबो थांनो नाङा
थांनोबोला अख्रां सायावसो थां
अख्रांआव आंखौबो लांफा
आंनि लोगोफोरखौबो

लैथोआव लोहाबनोबा अक्सिजेन
हाग्राजों थांनोबोला सिखा
अख्रांजों थांनोबोला खर'नि बाथि