बिस आरो आथिखाल मुलुग Poem by Ronjoy Brahma

मोसौ हालिसे आरो गुरसे बिथा थायोब्लानो
उदै बुगार बुगार बिखुं बिलिर फैनाय
मोखांजों दावलांनाय सानखौ हलायहरनो हायोमोन
दोंसे मेथाइ रोजाबनानै गासै हर आरो सान

दा मोदैजों गोजावलांओ अखाफोर आरो
गोलोमदैजों जुहुद्रुद लांब्लाबो आजोरोम गैयै बुब्लिया
साना दा गले गले बांब्लेमा जानानै फैयो

सोरबा खुबैदावनाय अन्थाइआ दानदिसे नंखाय हाथर्खि जाफ्लायो
मिनियो अख्रांखौ समायहोयो स्रोद गोमोरलांओ
खांखोरफोरजों गेलेयो आथुमसे सोरां लाना
सांग्रोमा एमफौफोर बादि अनजिबां सुबुं

नों मिथिगौ
बिसखौ सोरजिबाय जेब्लानों
बिसआबो गावनि गोहोखौ दिनथिनो हमबाय
फोजोबनो हानाय गोहो गावनि नोंनिनो सायाव

बिसनि मुगायाव दा बेखायनो
ना गुरनानै संसार जानो हालिया
बिसफोरजों जुजियै जुजियैनो दा जों हाफामुवा

नोंबो हाफामुवा
आंबो हाफामुवा
जायनि थाखाय नों जाबाय बिस आंबादिनो