दोंसे खन्थाइ लिरहरो Poem by Ronjoy Brahma

आं दा खोब हाथर्खि थुख्लायनो गोरों जाबाय
बेफोरनि मादावनो माब्लाबा मोननाय माब्लाबा खोमानांनाय
आंनि जिउआव जेननायनिबो हिसाब गैलिया
सिमांखौ अब्लाबो आं बुथाराखै

Keep your mind,
Keep your brain,
Keep your eyes,
Keep your hands and tongue,
Of course you can travel like the sun sets in the west.

सरत बोथोर दासानदि एसे गोजांनाय एसे गोलोमनाय
गोजांनायबो दं गोलोमनायबो दं
मुहिनां फुं बेलासि-मोनाबिलि आलेरा दाउसिन आरो खुसेंग्रानि रोजाबनायजों
बिसोरनि देंखोनिफ्राइनो दोंसे खन्थाइ सुजुयो आं- मोनसे उदां

लव्नस पेटनिफ्राइ आंनि सोलेरनि दावबायनाय
जेहेथु आं गंसे रकेट नङाब्ला मिसाइल
जेखिजाया मोनसे इलेकट्रनिक
आंहा जेन'बा जिउ गैजाया मेंनाय-मुरुनाय मिथिरोङा!

बेखायनो आं दोंसे खन्थाइ लिरहरो गिरिनो
गिरि! आं नोंनियाव आरो जेबो दाबि खालामलिया
बास् बेखिनिल'
आंनि आखाय आथुमनिफ्राइ जाहाथे बोलोआ आंखौ नागार दालांथों

आंनि खर'आव रागाया जमा दाथाथों
आंनि गोसोआव बोराबनाय दाथाथों
आंनि आथिंनिफ्राइ जाहाथे लामाया आंखौ दानागारलांथों
आंनि मेगननिफ्राइ सान आरो समायनाया दागोमोरलांथों