दै लोमजानानै हाल्दिंगा बिजौआव
मानखोनानै थानांनाय खुसेंग्राबादि;
बे समाव राहागोथे आंनि गोसो-गोसो गोरबो
बिथा नागारनांनाय दुखुथिया बिदेशीबादि हालोद
नोंखौ नुयोल' आं-खालि नुयोल'
दिमोल खुन्दानि बिखुंआव गोबानानै
अन्थाइ सा सा दावबायनाय ना फिथिख्रिखौ नायबाय थानाय
जेन'बा आं मासे एम्बु थेरे।
बेबादि- आरो बेबादि बेसे गोबाव?
दैसाया सानसे रानगोन सानसेबा देरगोन,
अन्थायाबो गाथोन सोलायगोन;
बयनिबो थादिनाव सानाबो सान जानानै थाबाय थाया।
दै-बानायाव मारुं नागिर नागिर मानसिफोरा
बावलांनो हागौ बुब्लि- गोमो-गोथां
जेखिजाया
मोजां मोननायनि थाखाय
नोंखौ स्राइ खेबसे गोसोखांफिननो
दोंसे सलन्थाइ लिरनो हानायमोनब्ला हामगौमोन…….!
This poem has not been translated into any other language yet.
I would like to translate this poem