बुंनांगौ बाथ्राया जादों Poem by Ronjoy Brahma

मोनथाइ गोनां जोनोम
थांनानै थानाय। आरो जिउखौ
रंजायै मोसायै आलो-गोजोन खुंलांनो

जानाय-लोंनाय
बारि बिथायाव मा गैयामोन जोंहा?
मैगं-मैला
फिथाइ-सामथाइ

दैमा-दैसा जोंनिनोमोन
जों बोखाङोमोन ना मावा
ना खानदा, ना बालाबोथिया आरो
बायदि बायदि गोबां

आथिखालाव
नों आरो आं। जों मिथिगौ
बे हालुरनि गोजोन बारखौबो
जों खोमाना लानांबाय!

दिनैनि जर'खा बुंनांगौ बाथ्राया जादों
जों खुसियै थानो लुबैयो,
बेखायनो जोंनो मोनथाइ नांगौ
गोजोन गोजोन बार बोहैनाय हालुर।

जिरि जिरि दैसा बोहैबाय थानाय हादोर
जोंनि इयुना बेबादिनो जुगे जुगे
थांनानै थानायखौ लुबैयो जों।