கொடிய கொடுங்கோலன் அவனை நோக்கி
நெடிது தாக்கவரும் ஆயுதங்க ளையெதிர்
கொள்ள குண்டு துளைக்காத சட்டை
அணிந்து காலையிலே தயாராகி விட்டானே!
குத்தீட்டி யினின்று காக்கும் அகவுறை
ஒத்ததாம் கவசம் நெஞ்சிற்(கு) அணிந்து,
பளபள வென்றவோர் தலைக்கவ சமோடு,
எளிதினில் நெருப்புப் புகாத தடுப்புமே;
அணிந்து, ஈயம் பதித்த பட்டையும்
காப்பாக, கழுத்துக்கு எஃ(கு) உலோகப் பட்டி
அணைப்பும், விடமுறிவு அட்ரினலின் குளிகை,
விடவாயு தடுக்கும் முகமூடி யணிந்தானே!
கீழிறங்கி கூட்டத்தில் புகுந்தான்; மனம்குன்றி
இழிந்தே நாணி விரைவில் உணர்ந்தான்;
மக்களின் ஏளனச் சிரிப்பினி லிருந்து
எக்கணமும் காக்கும் காவலேதும் இல்லையே!
அகஉறை - stab proof lining