जिउनि उनाव जिउ Poem by Ronjoy Brahma

आबै आबौआ बुंलांनाय
खहाय मोनामनाय बाथ्रा
जोँ दाबो बावनो हाया
बावनो नाङा नो
-
संग्राय सानद्रि गोबां
बेबादिनो आबौनि मुगा
हिमालय हाजोनि सेर सेर
दाउजोँ अमाजोँ मोसौजोँ
-
नारा-नाथा बेखायनो दिनैबो
जिउनि उनाव जिउ
आफाया थैलांब्लाबो
आफानि सानस्रिखौ लाखिनो
-
गोमालांनो हायै
मोनसे सिमा बोनानै
बेयावनो आलो गोजोन
नाथाय गुसेब सिमानि हाबिलास गैयै
-
गावनि हायाव गावनो
आबाद खालामनो
बिबारनि फिथाइनि
रैसुमै गोदै मेथाइनि
-
थांनाय थैनाया उननि बाथ्रासो
दिनै जामावनां बेखौल' माव
गाबोननि थाखाय