ददेरे, आं रमिअ' नङा Poem by Ronjoy Brahma

रजे-
आं सोर्गोखौ नुबाय
नोँनि सान्दुं नांनाय सायखंआव
फोरबुनि बोसोन-
अरथाबना लादोँ आं बेखायनो
-
जारौ जारौ जेनथ'का गाना
गलाबजोँ दुगैनानै
दाफै दाफै बोदोर जानानै
निहोरजोँ दुगैनाय आं
-
टेरिन देक्रननि हि
गाननो बाबांसिन स्रां स्रां मोदोमाव
दुंहाव हां बोयै बोयै
रजे- आंखौ दालेँ बिबार बारियाव
-
बिजुलि साथिनि सना गाबजोँ
खोमसिखौ होखारो आं
खोमसियाव दा हांख्राइ आंखौ
खोमा खेबनानै बुंदोँ आं
-
लाइ बाथ'गांनि दखनाजोँ
मोसाग्लां मोसाना दालेँ-
सुदेम सुदेम हांसो गेलेनाय दैसायाव
मुहिणी दाजा नोँ अपस्रा दाजा।