आं जेबो बुङा Poem by Ronjoy Brahma

लेलाय लेलाय थानायनिफ्राइ
उखैनाय समाव जानायानो मोजां फंबाय
खावनानैबो जा उदै बुंजासे
~
बाराखौ-
नाथाय आद्रि दाख्लाम
~
सानसुमैफोरा बुंनायखौ
आंबो खोनायो-
उदै सुथेना थानानै जिउखौ सोगाबनायनिफ्राइ
खावनानै जाना जिउखौ गोजोन होनाया साबसिन घोरोम
~
फंबाय-
आंनि बागानाव गोखा गोखै
गोदै फिथाइ थाइयो
नोङो खावनानैबो जाफै
~
नोँ बिनानै जानो फैयोब्ला
आं नोँखौ बाब्लाबा थगायगोन
नोँ उदै सुथेनाङोब्ला
आंहानो घोरोमा थांगोन
~
फंबाय-
आं नुयै समाव
नोँ खावनानै जाफै अब्ला
आं जेबो बुङा