जाद जोहोलाव गेदेमा
जोनोम जादोँमोन बरागारियाव
आंगो बर' गामियाव
अन्नाय सान्नायजोँ मुं होदोँमोन थपेन
(फरायनाय समाव हार्सा फोरोँगिरिनि खुगायाव उपेन जायो)
-
गोरिब थुरिनि न' बर' गामियाव
नंगौ गोग्लैसोनाय न'खराव
अब्लाबो उथ्रि हादोँ मोजाङै
मेट्रिक आनजादखौ सेथियाव
-
गुवाहाटीनि कटनाव फरायदोँ
मुवा बिगियानाव एम एस सि
आरोबाव बर'आव बि ए खालामदोँ
-
मोन्दोँमोन नख'र सालायनो राहा
नाथाय गावनि साख्रि नागारनानै
गोग्लैसोनाय हारिखौ फोजादोँ
सोमावसारदोँ आलादा बर'लेण्ड रायजोनि
-
हारिनि मोन्थाइखौ आसि थुनानै
सुथुरखौ दबथायनो जांख्रिखांदोँ
गान्घीनि अहिंसा मोन्थोरजोँ
-
थां आरो थांनानै थानो हो
सोमावसारनायखौ गोख्रोँङै दैदेनदोँ अहिंसायैनो
-
नाथाय अब'थिरा जिउआ
सोरजिनि माया महिमाया
रोजा रोजा बर'फोरखौ गालांबाय
बिखायाव बिखासे हांमा आरो दाहा
-
आद्रायैनो थाबाय दाबो जोहोलाव
बिग्रायारि उदांस्रि नोँनि दाबिया
दिनै नोँनि मदद आरोबाव मागिनानै
आर'ज गाबो जोँ अबंनाव
गोदै गोथाव आहुति होनानै
-
सेर्जा सिफुं खाम जथा रिँहोनानै
गुगुरुब बाथौ सालियाव
गुगुरुब मन्दिर गिर्जायाव आर'ज गाबनानै।
This poem has not been translated into any other language yet.
I would like to translate this poem
उपेन ब्रह्मआ बिमाफानि बयनिबो खांजोबथा जानाय फिसा हौवामोन। बियो मंलाराम ब्रह्म आरो लेबस्रि ब्रह्मनि बाथि फिसामोन। उन्दै समाव बिनि मुंखौ थपेन होनना बिमाफाया गाबज्रियोमोन। उनाव फरायनाय समाव थपेननि सोलाय हार्सा फोरोँगिरिनि खुगायाव गोब्राब जानायलाय हार्सा मुंङैनो उपेन जानायसै। 1963 मायथायाव उपेन ब्रह्मआ फरायनायखौ जागायजेनो फारियै दतमा गोजौ फरायसालि, कक्राझार गोजौ फरायसालि 1973, सकती आस्रम गोजौ आरो बकेसनेल स्कुल। 1975 मायथायाव बियो मेट्रिक आनजादखौ सानखान्थियाव लेर्टा लानानै 67% आव सेथि थाखोआव उथ्रियो।