Të lutem sot mos fli!
Binjaken tënde, vetëm sonte mos e fik!
Në avujt e xhamit bëjë vetëm dy sy.
Mos u trëmb nëse vonohem, pas tyre jam aty.
Të lutem sot mos fli!
Me një shkop, krrusur prej mallit jam nisur,
mbi trotuaret e përbaltur bëj trak – trak.
Zemrën pas dere mbështet dhe rri.
Me çelsin e zemrës time ta hap.
Të lutem sot mos fli!
Me lot mos i fresko ti faqet e përskuqura.
Si mjegulla do të përvidhem për të ardhur aty.
Gjithë natës do bëj zjarr me të puthura.
This poem has not been translated into any other language yet.
I would like to translate this poem