Sigaw Ng Katahimikan Poem by Hannah Faye Pagayunan

Sigaw ng katahimikan
kahit gaano pa laksan
ito'y di mapakikinggan
tanging humihiyaw ang nakakaalam

Kaisipang di masilag
katotohanang kaytagal na binihag
kaliluhang di nais mabunyag
katahimika'y di mabasag

Sigaw ng mga luha
nang pagod na sumisinta
mapapait na alaalala'y sinasariwa
ngunit ano pa bang magagawa?

Sigaw na walang nakakakilala
hirap na tinatamasa
pagkukunwaring masaya
habang buhay na umaasa

Kung maaari nga lang na isigaw mo
sakit na tinatago
sa mga taong nagmamahal sayo
di nais sila'y magtampo

Sa gitna ng kaingayan
Pagkatahimika'y sumigaw ng minsan
Nakakabinging pakinggan
Kay laking tanong ang iiwan