Nangungusap Na Ngiti Poem by Hannah Faye Pagayunan

Nangungusap Na Ngiti

Rating: 5.0

Sa tuwing ika'y ngumingiti
naglalaho aking pighati
ramdam ay luwalhati
sa isang sakit ay masidhi

Tuwing umagang sisimulan
at ngiti mo'y masisilayan
buong araw ay makulay
sigla ko'y walang humpay

Tulad ako ng isang leon
aking nasa'y di matunton
ngunit sa bawat ngiting mula sayo
aking bangis ay pinapaamo

Sa oras ng dalamhati
sa oras ng may tinik at hapdi
ang iyong mga ngiti
mga subyang ko'y hinahawi

Sa tuwing ako'y nasa baba
sa sarili'y walang tiwala
ang ngiti mong makikita
hatid saki'y pang-unawa

Ang iyong ngiti'y naging kamay
umaalalay sa isang pilay
sa isang bingi'y naging musika
sa isang bulag, naging mata

Iniaalay sa aking butihing guro
(Ms. Tine Castro)

COMMENTS OF THE POEM
Michaela Tatualla 01 October 2008

I know you're teacher would be glad reading this poem. You're such a sweet student... God bless!

0 0 Reply
READ THIS POEM IN OTHER LANGUAGES
Close
Error Success